Rotstab Cabaret 2019

Wie in de beide letschte Joor hei mir au im 2019 wieder am Rotstab Cabaret dörfe ufträtte. An de erste drei Vorfüehrige vom 4.-6. März hei mir eusi Lieder im neue Kostüm somit im KV-Saal in Liestel dörfe zum Beste geh! Es isch eus e bsunderi Ehr, dass mir wieder ä Ihladig becho händ, sind mir doch immer no ä sehr jungi Gugge. Trotz ahfängliche Schwierigkeite mit dr Höchi vo dr Major-Larve, hei mir 3 tolli Uftritt gha und sogar an jedem Obe ä chlini Zuegob dörfe spiele! ;) Nach eusere düstere Erschinig im Vorjoor, sind mir au mit eusem Pink-Panther Kostüm guet bim Publikum ahcho. Mit eusne Uftritt in dere spezielle Art, hei mir chönne bewiese, dass mir au die schöne, ruhige Tön beherrsche und sich euse Schlag au chli cha zrugg halte.. :P 

Mir danke de Organisatore uf däm Wäg für d Ihladig und freue eus scho druff, falls mir im negste Joor wieder dörfe drbii sii!