GUGGE-Tag mit WAHN-sinnigem Höhepunk

Dr 26. Januar hei mir eus scho sit längerem Fett ahgstriche im Kaländer!

Scho gli am Morge hei mir eus zu eusem Probetag in Lupsige troffe und bis zum gmeinsame Mittag flissig probt.. Näbe eusne neue Lieder wo langsam aber sicher gfestigt sind, hei mir au s gänderetä Schlagsolo sowie neui Beats z ghööre becho! Wyter sind au no es paar organisatorischi Pünkt uf em Programm gstande... zum Bispiel hei mir über eusi Buttons für die kommendi Fasnacht abgstumme ;) 

Am Nomittag isch vorusse, bi schönem Winterwätter wytergange mit ere Marschprob durch Lupsigä. 

Zrugg uf em Schuelplatz hei mir eus denn no einisch ganz eusem Höhepunkt vom Tag gwidmet... dr Uftritt am GUGGEWAHN in Zunzge! 

Uf e früehi Obe hei mir eus denn alli, natürlich im Kostüm, in Zunzge troffe, wo mir zerst super verpflägt worde sind und eus ahschliessend ins Getümmel gstürzt hei. Scho glii het sich die grossi Halle in Zunzge avo fülle und scho isch euse Uftritt ahgstande... Top motiviert und fast komplett hei mir ä tolle Uftritt vor eme grosse Publikum dörfe ahneleggä!

 

Mir danke dä Büchelgrübler ganz härzlich für d Ihladig!

Es isch äs hammer Fest gsii und vieli vo eus sind no bis in die früehe Morgestunde am fyyre gsii in Zunzge... (wie ahkündigt) :P

 

Euse ganz Uftritt isch übrigens gfilmt worde.. alli Videos findsch uf YouTube!

do ä chliine Vorgschmack... 

 

https://www.youtube.com/watch?v=BG-Zq9CbXC0

(Premiere vom neue Lied "Rag Dolls")